சப்பாத்தி மாவு பிசைய தேவையான பொருட்கள்:
கோதுமை மாவு - 4 கப்
உப்பு - தேவைக்கேற்ப
நெய் - வசதிக்கேற்ப (குறைந்தது 2 மேஜைக்கரண்டி)
தண்ணீர் - 3 கப்
முதலில் ஒரு அகலமான பாத்திரத்தை எடுத்துக்கொள்ளவும். அதில் முதலில் மாவோடு உப்பை நன்றாக கலந்து கொள்ளவும்.
பின்பு நெய்யை சேர்த்து பிசைய ஆரம்பிக்கவும். இடையிடையில் தண்ணீரை சிறிது சிறிதாக சேர்த்து பாத்திரத்தின் நடுவிலிருந்து
அதன் விளிம்பு வரை சுற்றி சுற்றி பிசைய வேண்டும். எல்லா மாவும் ஒன்றாக சேர்ந்து பந்து போல் உருண்டு வர வேண்டும்.
எலாஸ்டிக் போல் மாவு கையில் ஒட்டாமல் உருண்டு வந்ததும் மாவு தயார் என்று அர்த்தம்.
மாவை நன்றாக பிசைய வேண்டும் இல்லையென்றால் மற்றவர்கள் சாப்பிடும்போது கையை பிசைந்து கொண்டு நிற்க வேண்டி வரும்.
சரி மாவு சப்பாத்தியாக மாறுவது எப்போது?
மேலே சொல்லியபடி பிசைந்த மாவை ஒரு அரை மணி நேரம் ஈரத்துண்டால் மூடி வைத்து விட்டு சீரியல் பார்த்து விட்டு வரலாம்.
பின்பு மாவை எலுமிச்சம் பழ அளவு சின்ன சின்ன உருண்டைகளாக உருட்டி சப்பாத்தி பலகையில் குழவியால் தேய்த்து தேவையான
அளவு பெரிய வட்டமாக இட்டுக்கொள்ள வேண்டும்.
இப்படி ஒரு இரண்டு மூன்று சப்பாத்தி ரெடி செய்தவுடன் அடுப்பை பற்ற வைத்து அதில் தோசைக்கல்லை வைத்து கல் சூடானவுடன்
சப்பாத்தியை கல்லின் மேல் போட வேண்டும். ஒரு சைடு வெந்தவுடன் திருப்பி போட வேண்டும். உடனேயே அந்த சப்பாத்தியை எடுத்து
எரியும் நெருப்பின் மேல் மெதுவாக வைக்க வேண்டும். பக்கத்து ஸ்டவ்வை ஏற்றி சிம்மில் வைத்துக்கொள்ளலாம். சப்பாத்தியை போட்ட
உடன் அடுப்பை பெரிதாக்கி கிடுக்கியால் திருப்பி திருப்பி நெருப்பில் வாட்டினால் சப்பாத்தி புஸ்சென்று உப்பி வரும். இப்போது அதை
அடுப்பிலிருந்து எடுத்து விடலாம். இப்படி ஒவ்வொன்றாக செய்து ஒரு டப்பாவிலோ கேசரோலிலோ போட்டு வைத்தால் சூடாக இருக்கும்.
மாவு மீந்து விட்டதே என்று கவலைப்பட வேண்டாம். ஒரு காற்றுப்புக முடியாத டப்பாவில் சிறிது எண்ணையை தடவி மிச்ச மாவை
பெரிய உருண்டையாக உருட்டி போட்டு வைத்து 2 நாள் வரை கூட உபயோகிக்கலாம்.
இதே வெப்சைட் இல் இருக்கும் சைடு டிஷ்களில் எதாவது ஒன்றோடு சேர்த்து சாப்பிட்டால் டேஸ்ட்டியோடு ஹெல்த்தி சாப்பாடு சாப்பிட்ட திருப்தி கிடைக்கும்.
Comments